ارسلت له

سافرت مع طيف الهوى تالي الليل
مجروح من فرقا الولايف والاحباب
لولاي اسامر نجمة الجدي وسهيل
كان احترقت وخاطري بالحشا ذاب
طبيب في حب الغضي فتنه الجيل
جذاب فاتن ناعس الطرف جذاب
ارسلت له من شوق قلبي مراسيل
دافي غرامه في حشا الروح ينساب
ناديت له وارسلت روحي مواويل
جاوب جريحٍ خاطره منك ما طاب
الليل يرسم له نجوم وتعاليل
والصبح يكتب له حكايات الاصحاب
لقيت شوقه يرتسل كانه السيل
وباقي غرامه دمعه بين الاهداب
صارت حياتي بغرمه بهاذيل
ابعد وخلاني جريح و منصاب
قامت على الذكرى تعيد التماثيل
تفتح لي ابواب وتغلق لي ابواب
راحت وخلتني مع الهم والويل
مجروح من فرقا القرايب والاحباب