احتراق العاطفه

للشعر عشق وذكريات وتعاليل
يا ما كتبته مثل ما هو كتبني
فيه احتراق العاطفه بالمواويل
فيه اندثار الماضي الي تعبني
فيه الجموح الي على آصل الخيل
وفيه السكون الي بنزفه سكبني
منه خذيت العاشقه اسم واصيل
ومني خذا نزف الخفوق وشربني
سولفت له:-وش صار فرقي عن الجيل
واعلن وفاه بصدق يومه طلبني
قال:- اطلبيني..
قلت:- ابي شعر يخيل
قال:- ابشري طلبك ذا ما غلبني
وقال ابشري بشعلك احلى القناديل
لجلك حروف الشعر تهدم وتبني
بقدم حروفي قدوع وفناجييل
ومنهو سواك اليوم عذب شربني
ياللي بحسنك تقهرين المجاميل
زيدي غلاك بشعرك الي رهبني