يابوي عذرك

يا بوي مديمٍ لك مطيع الشور ما ينصر سوى شورك
لنَك ابويه وتاج الراس والميزان وانته للفخر قمه
وانت الذي فرشت الدرب في ممشاي بين الناس من نورك
وانت الذي مدَني بالصبر ويا العزم وياالحزم والذمه
وانته لي القدوه اللي للمعالي ساقني ما انكره دورك
معروفك انت وجميلك فوق راسي وافتخر به ويحيي الهمه
ربيتني على الاخلاق ما قصرت في غيبتك وحضورك
الله يجزيك عني كل خير وكل برِ وافي السمه
يابوي سامح عن الزله اذا قصرت في بحري بحورك
سامحني ارجوك واعذرني على التقصير في كيفه وفي كمَه
يابوي عذرك اذا في يوم حامت رغبتي واجتازه سورك
ما هيه بطره حشا والله ولا هي كبارة نفس منذمه
القصد تعرف ضميره وانت تعرف كيف منظوره ومنظورك
وتعرف بانه قبل ما يخطي الخطوه يكون رضاك في دمه
اسأل إلهي إله الكون مرضاته ومرضاتك مع سرورك
وأسأله بانه يقدرني على رد الجمايل قبل ما تاكلني الرمه
واوفي انا لك مثل ما وفيت لي حقي أوفَي لك انا دورك
وتكون راضي علي امام الله يوم الحشر واللمَه