وعد مني وخشمي يشم الهواء

إي والله اني احبك حب صار جنون



معذور لو همت بك وأصبحت مجنونك


انا اشهد اني بحبك عاشق ومفتون



حبك اسرني اليما صرت مفتونك


تيّم فؤادي غرامك بيّن المكنون



ويا ليتي ادري انا وش فيه مكنونك


سكنتِ وسط الحشا انت اعز مظنون



يسعدني اني معك بالحب مظنونك


يا زين حبك يجي فيه الجنون فنون



اموت انا بك واحبك واعشق فنونك


هواك عندي تميّر ما يجيه ظنون



اخذت عهدٍ علي ما اخيّب ظنونك


حفظت عهدك حياتي في هدب وعيون



وارتاح لا شفت حبي داخل عيونك


ابوعدك وعد حرٍ وافيٍ ما يخون



واحلف بربي قسم بالله ما اخونك


هذا اعترافي وانا لك شاكر وممنون



من يوم قلتِ احبك صرت ممنونك


اختم كلامي واقول ان حبي لك مضمون



من شان قلبي عرف حبك ومضمونك